Sali Berisha ka krahasuar të ndjerin Sokol Olldashi me ish-kryetarin e Partisë Demokratike, Lulzim Basha. I ftuar në “Çim Peka Live”, Berisha u shpreh se Olldashi ka qenë më epror se Lulzim Basha. Ai e cilësoi të ndjerin si një politikan të mençur e të vendosur, por që gaboi në fushatë.
Berisha thotë se Olldashi bëri gabimin që doli me mbështetjen e strukturave, ndryshe nga Basha që doli me anëtarët. Berisha thotë se është habitur me këtë gabim të bërë nga Olldashi, duke pasur parasysh aftësinë e tij.
“Sokol Olldashi ishte më epror se Lulzim Basha, pa diskutim. Por Sokol Olldashi, megjithëse politikan i mençur dhe i vendosur, në mënyrë të habitshme për mua, bëri një gabim thelbësor në fushatën e Sokolit.
Gabimi i tij ishte që mua më mbështesin strukturat, ato ishin pakica. Sokoli ishte një nga më të aftit dhe ishte i rritur në Partinë Demokratike, nuk arrita kurrë ta kuptoj se si doli me këtë tezë. E hapi fushën.
Basha doli me tezën, jam me anëtarët. Kur e vendosa një anëtar një votë, nuk kishte dalë asnjë kandidat zotëri”, tha Berisha.
