Kryetari i Partisë Demokratike, Lulzim Basha, ka konfirmuar zërat se ish-kryeministri Sali Berisha do të jetë sërish në listat garuese të PD-së.
Në një intervistë për emisionin “Opinion”, Basha tha se kandidatura e Berishës do të vendoset në cilin qytet që ai të dëshirojë.
Më tej, Basha mohoi kategorikisht mundësinë për krijimin e një qeverie së bashku me PS.
“Është e paimagjinueshme që PD të bëhet fasadë e një rilindjeje e cila përbën një rrezik jetik për PS. Partia Socialiste e ka jetike të dali në opozitë dhe të distancohet nga krimi”, tha ai.
