Ish-kryeministri Sali Berisha ka akuzuar kryeministrin Edi Rama se ka si synim të gllabërojë pasurinë publike përmes bursës së tij private.
Berisha iu referua intervistës në ‘‘Zërin e Amerikës’’ së kryetarit të bordit të autoritetit të mbikëqyrjes financiare, Pajtim Melani, i cili u shpreh se janë krijuar kushtet për hapjen e një burse private në Shqipëri.
Por, sipas Berishës, Melani i ka dhënë lincensën e Bursës Private Abbi Bank, të cilën sipas tij, e administron bashkëshortja e kryeministrit Rama, Linda Rama. Berisha shpjegon se në këtë bankë, kryeministri Rama fsheh qindra miliona euro.
E gjitha kjo, sipas Berishës, e bën Ramën që përmes krijimit të bursës të grabitë çdo ndërmarrje private dhe publike të vendit.
