Ish-kryeministri Sali Berisha deklaroi sot se Edi Rama kërkon hapjen e negociatave me BE-në duke kërcënuar Brukselin. I ftuar në emisionin “Kjo Javë” në “News 24”, Berisha deklaron se Rama është antishqiptar dhe i paskrupullit kur mendon se mund të hapë negociatat duke trembur Evropën.
Lideri historik i PD-së deklaroi se feja e shqiptarëve është evropeizmi. Berisha citoi edhe Presidentin e Komisionit Europian, Donald Tusk i cili deklaroi në Tiranë se ka një mesazh për Evropën që është toleranca fetare.
“Kurse për arsye gjeostrategjike e deklaroi edhe vetë Presidenti i Komisionit Europian, sikundër Donald Tusk e deklaroi në Tiranë se ka një mesazh për Evropën që është toleranca fetare. Me të gjitha këto jam dakord. Nga ana tjetër e konsideroj antishqiptare përpjekjen e Edi Ramës për të trembur Evropën me besimin mysliman të shqiptarëve. Është një ufo të mendosh se feja e shqiptarëve është evropeizmi, shqiptarët kanë fetë e tyre vokacioni i shqiptarëve është evropeizmi. Antishqiptar dhe i paskrupullit është ai që mendon se mund të hapësh negociatat duke trembur Evropën”, deklaroi Berisha.
