Kryetari i Partisë së Lirisë, Ilir Meta, ka konfirmuar sot se është në mbështetje të çdo proteste. Qëndrimi i tij vjen pasi është pyetur nëse do të bashkohet me protestat e paralajmëruara sot nga kreu i PD-së, Sali Berisha.
Ilir Meta tha se Partia e Lirisë është në çdo protestë ku qytetarët kërkojnë të drejtat e tyre.
Berisha paralajmëroi protesta masive, a jeni bashkë?
“Jemi me çdo protestë që bëhet në Shqipëri, dhe inkurajoj dhe një herë pedagogët dhe grupet e interesit të shfrytëzojnë të drejtat që i jep Kushtetuta për të mbrojtur të drejtat e tyre. Protestat janë të domosdoshme për të përmbysur këtë regjim e sistem të korruptuar”.
