Ish-kryeministri Sali Berisha ka zhvilluar në “Qytetin Studenti” një ceremoni në nder të Ditës së Rinisë. Ai foli edhe për situatën e PD-së, duke u shprehur se kryetari i saj meriton të quhet “Lulzim Boshi”.
“Në këto 8 vite, demokratët derdhën sakrifica. Por ata kaluan nga një humbje në humbje tjetër, jo për shkak të tyre, por për shkak të një njeriu që pas 8 vitesh meriton të quhet, as pak e as më shumë se Lulzim Boshi dhe pengkryetari”, tha Berisha.
Fatmira Hajdari bashkë me djalin e saj të vogël Azem Hajdari i cili mban emrin të atit, shkuan në takimin e thirrur nga ish-kryeministri Sali Berisha për Ditën e Rinisë.
Berisha dhe Basha kanë zgjedhur të festojnë të ndarë këtë ditë. Një orë para Berishës, Basha mblodhi demokratët në ambientet e Air Turbina, ku i ulur në vendin e publikut dëgjoi studentët e Dhjetorit ’90, si nderim për veprën e tyre.
