Berisha tha gjatë mbrëmjes së sotme në “Zonë e Lirë” se PD nuk është në gjumë, dhe se djegia e mandateve ishte një vendim kolegjial. Duke hedhur poshtë zërat për një krizë brenda PD-së, ai pranoi se nuk është penduar për vendimet që ka marrë kjo forcë, dhe se në të njëjtën kohë do i qëndroj besnik deri në fund. Në vazhdën e akuzave ndaj Ramës, Berisha tha se kryeministri do të zërë vendin në koshin e plehrave të historisë.
“PD nuk është në gjumë. Djegia e mandatave ishte një vendim kolegjial. Nuk më vjen keq për vendimet që merr PD. Unë do të jem aty derisa të jetë edhe anëtari i fundit, ndaj nuk mund të më vijë keq për vendimet e PD. Ka një opozitë të fuqishme që është mazhorancë sot te shqiptarët. Me zhvillimet e fundit, Rama është një monstër e vërtetë kombëtare me të këqijat që i ka bërë Shqipërisë.
Nuk e zë dot vendin e opozitarit Piktori. Ai do të zërë vendin në koshin e plehrave të historisë. Lajmi më i trishtuar i karrierës sime politike mos-hapja e negociatave, por jam më i zemëruar me shkaktarin që është Edvin Mafija.
Ky i quajtur mini-shengen para të paktën 11 vitesh, 4 vende të Ballkanit hoqën pasaportat në qarkullim dhe vendosën të qarkullojnë me karta identiteti ndërsa marrëveshja CEFTA ka një shtrirje më të gjerë. Ky mini-shengen ka si synim vetëm përjashtimin e Kosovës”, tha Berisha.
