Prej oreve të para të ditës ka nisur aksioni për shembjen e banesave në lagjen “5 Maji” në Tiranë. Forca policore rrethuan zonën, pasi një pjesë e banorëve kundërshtojnë shembjen e banesave të mbetura.
Banesat po shemben në kuadër të procesit të rindërtimit pas tërmetit shkatërrues të 26 nëntorit 2019, ku në këtë zonë është hartuar një plan zhvillimor me blloqe të reja banesash.
Disa banorë e kundërshtojnë këtë projekt, duke thënë se shtëpitë e tyre nuk kanë pësuar dëmtime nga tërmeti i 2019, dhe nuk kanë përse të shemben.
Ish-kryeministri Sali Berisha ka ndarë pamje nga vendi ku pritet të ndodhin shembjet, aty ku policia ka rrethuar zonën. Berisha thotë se duhet ndalur terrori i narkopolicisë ndaj banorëve, të cilët duan të mbrojnë banesat e tyre.
“Ndal terrorit te narkopolicise ndaj banoreve qe mbrojne banesat e tyre ne Bregun e Lumit!”, shkruan Berisha.
