Shqipëria është gati të rihapë bastet sportive, aktivitet i cili u ndalua me ligj më 1 janar 2019. Në dëgjesën e organizuar me grupet e interesit, pas presionit të federatave sportive, Rama deklaroi pak ditë më parë se legalizimi i basteve është rruga e vetme që mund të ndiqet. Në lidhje me këtë çështje, ish-kryeministri Sali Berisha, teksa ka komentuar edhe nismën e qeverisë për të legalizuar sërish bastet sportive, tha se me këtë vendim “mbreti” i basteve bëhet Olsi Rama.
Në një konferencë për mediat, kreu i PD-së theksoi se është penduar që bastet janë lejuar në kohën e qeverisë së tij.
“Sot mbreti i basteve bëhet Olsi Rama. Pavarësisht se kishte lëshuar rrufe kundër basteve. Unë jam penduar që janë lejuar gjatë qeverisjes sime, dhe nuk do lejohen, sepse janë burim fatkeqësish të shumta familjare dhe më gjerë. Të gjithë masivisht thuhet se është i vëllai i tij prapa.
Tani e mori presidentin. Çfarë motivi janë këto? A e dini ju që këshilltari më kryesor i Çuçit është një Arapi Arapi. Është një person që ndiqet penalisht për probleme me trafiqe. Këtë e ka marrë si ekspert kryesor për trafiqet. Thuhet që Bledi kërkonte të emëronte këtë drejtor të rëndësishëm të operacionales. Këtu është gjithçka në interes të krimit të familjes Rama”, tha Berisha.
