Ish-kryeministri Sali Berisha ka reaguar sërish ashpër ndaj deklaratës së ambasadores së SHBA-ve Yuri Kim, kur tha se Partia Demokratike nuk duhet të hajë bar për shkak të një njeriu i cili ka probleme me ligjin, duke iu referuar atij.
Në një intervistë për RTV Ora, Berisha tha se barin, Yuri Kim duhet t’ia çojë kryeministrit Edi Rama se ai pi një lloj bari dhe se duhet të kërkojë falje për deklaratat e saj.
Ndër të tjera, Berisha shtoi se nëse merren për bazë shpifjet në kundërshtarëve, çdo opozitë mund ta shkatërrosh.
Sali Berisha: DASH e pohon vetë se burimet që më kanë shpallur mua non grata i ka nga OJQ-të rajonale të sponsorizuara nga Soros. Këto janë një makineri e Sorosit që kanë prodhuar shpifje dhe trillime të vazhdueshme. Edhe mediat kanë dhënë informacion, kur këto media kontrollohen nga Rama në pushtet. Po ashtu edhe raportet anti-korrupsion të qeverisë së Ramës. Nëse merren për bazë shpifjet në kundërshtarëve, çdo opozitë mund ta shkatërrosh. Unë qëndroj në të drejtën time dhe mbroj dinjitetin tim dhe të gjithë atyre që më kanë votuar qysh nga viti 1991. I rikujtoj zonjës Kim se ata shprehjen e barin e ke nga shokë socialistë. Të sugjeroj t’ua çosh atyre, se demokratët nuk hanë bar. Ajo duhet të kërkojë ndjesë shqiptarëve dhe demokratëve dhe barin t’ia çojë Edi Ramës se ai pëlqen një lloj bari dhe ta mbajë me shëndet.
