Kryetari i Partisë Demokratike, Sali Berisha, në një bashkëbisedim me qytetarët, deklaroi se gabimi më i pafalshëm historik i kësaj force është bërë në datën 27 Prill të vitit 2021. Pasi sipas tij, Basha nuk thirri për protesta, por futi PD-në në një spirale shkatërrimtare.
“Edi Rama ka blerë, ka dhunuar dhe ka përdorur të gjithë shtetin për të rrëmbyer votat. Gabimi më i pafalshëm historik i PD-së është bërë me datën 27 Prill të 2021, kur pas atyre zgjedhjeve masivisht të dhunuara, kreu i kësaj partie nuk thirri për protesta dhe rrëzimin e Ramën, por pasi ishte marrë peng nga Rama, futi PD në një spirale shkatërrimtare nga e cila u desh shumë kohë për të dalë”.
