Deputeti demokrat Ervin Salianji, i ka mëshuar faktit se ish-kryeministri Sali Berisha në asnjë mënyrë nuk mund të fitojë Bashkinë e Shkodrës. I ftuar mbrëmjen e kaluar në emisionin “Të Paekspozuarit” në MCN TV, Salianji tha se do të ishte njëlloj sikur alienët të zbrisnin në Shkodër, pra nuk mund të ndodhë.
BISEDA:
Ylli Rakipi: Ju thoni se Shkodrën e fiton Lulzim Basha?
Ervin Salianji: Unë besoj se po.
Ylli Rakipi: Nëse Shkodra mbetet te demokratët, e merr Sali Berisha. Do të ulemi bashkë këtu pas datës 6 mars.
Ervin Salianji: Ka tre kandidatë. Ai i PD, i PS dhe kandidati i LSI.
Mentor Kikia: Po tregohesh hipokrit, sepse Bardh Spahia ka qenë gjithmonë me PD.
Ervin Salianji: Ata që duan ta dëmtojnë PD, kanë shkuar të LSI.
Ylli Rakipi: Po e quajmë kështu, po sikur të fitojë kandidati i LSI pra?
Ervin Salianji: Koalicionet bëhen mes partive. LSI është parti. Komisioni i Rithemelimit është një inat, nuk ka një formë, nuk e dimë çfarë forme do të marrë.
Nikoll Lesi: Dakord, po nëse kandidati i LSI, që thoni ju, fiton ose në 6 bashkitë merr më shumë vota sesa PD.
Ervin Salianji: Është njësoj sikur alienët të zbresin në Shkodër. PD do të fitojë.
Ylli Rakipi: Ore aman mos bën gabim, se unë të quaj të mençur dhe serioz ty…
Ervin Salianji: Ai (Berisha) a tërhiqet nga politika po ndodhi kështu?
Nikoll Lesi: Nëse doktori ose LSI, që e quan ti, del në vend të tretë, doktori ikën me vrap.
