Analisti Baton Haxhiu iu përgjigjet akuzave të ish-kryeministrit Sali Berisha, për të cilin shprehej se ka qenë spiunë i serbëve.
Teksa ishte i ftuar këtë mbrëmje në emisionin “Zonë e Lirë”, Haxhiu i quajti shpifje dhe spekulime akuzat e Berishës. Ndër të tjera, ai u shpreh se familja e tij njihet për tradita patriotike, teksa shtoi se dhe babai i tij është burgosur tre herë nga regjimi serb.
“Dua t’i them një gjë këtij dhe atij tjetrit, presidentit, që ka spekuluar, të dy bashkë me familje, me gjyshërit, dajo, teze, halle. Nuk kanë referenca patriotike familjare nga nëna e baba sesa puna ime, familja ime dhe familja e nanës time.
Këta të gjithë bashkë nuk kanë traditë patriotike të familjes sa dy familjet e mia. Familja ime është shpërngulur tre herë nga Prekazi kur kanë djegur fshatin. Kurse babai ka rënë tre herë në burg, herën e fundit në demonstratat e 1981”, theksoi Haxhiu.
