Ish-kryeministri Sali Berisha dhe kreu i Partisë Republikane, Fatmir Mediu kanë zhvilluar ditën e sotme një takim me dy zyrtarë amerikanë. Bëhet fjalë për ish-kryebashkiakun e New York-ut, Rudy Gulian dhe ish-sekretarin e sigurisë së vendit në SHBA, Tom Ridge.
Këtë e bëri të ditur vetë Berisha përmes një postimi në “Facebook”, i cili shkruan se diskutuan për krizën politike në Shqipëri, krimin e organizuar, korrupsionin e instaluar në vend dhe emigrimin.
“Takim me Rudy Gulianin, ish kryetarin e Bashkise se New York-ut dhe Tom Ridge, ish sekretar i sigurise se vendit ne SHBA!
Miq, pata kenaqesi te takoj dhe bisedoj mbi zhvillimet ne vend dhe rajon ish kryetarin e Bashkisë se New York-ut i njohur për famën e tij edhe si kryetari i Bashkisë te Amerikës dhe ish sekretarin e sigurisë se vendit te SHBA, me te cilin unë dhe qeveria qe drejtoja kemi bashkëpunuar ngushtësisht ne fushën e sigurisë dhe luftës kundër terrorizmit dhe krimit te organizuar.
Ne ketë takim njoha miqtë me problematiken e madhe te krijuar nga instalimi i narkoshtetit ne Shqiperi nga qeveria aktuale, lidhjet e saj me krimin e organizuar dhe korrupsionin e papërmbajtur te te gjitha niveleve qeveritare, klimën armiqësore ndaj investimeve te huaja ne vend dhe largimin masiv te shqiptareve nga vendi.
Ne takim ishte i pranishëm dhe kryetari i Partisë Republikane Fatmir Mediu. Takimi ishte një shkëmbim i hapur mendimesh”, shkruan Berisha.
