Ish-kryeministri, Sali Berisha, ka komentuar situatën politike në vend, duke u ndalur tek referendumi i kërkuar nga presidenti Meta.
I ftuar në emisionin “360 Gradë” në Ora News, Berisha u shpreh se pakënaqësia e kreut të shtetit në lidhje me partitë politike është me vend. Sipas tij, ai po lufton në një terren tepër të vështirë.
Berisha deklaroi se të bërit opozitë është e vështirë, pasi edhe udhëheq por nga ana tjetër edhe të udhëheqin. Sipas ish-kryeministrit, opozitën ‘po e udhëheqin masat e gjëra të të rinjve që po shpërthejnë stadiume’.
“Çfarë ndodh kur je në opozitë? Por dhe jashtë saj. Në tërësi të udhëheq por edhe të udhëheqin. Opozitën po e udhëheqin masat e gjëra të të rinjve që po shpërthejnë stadiume njësoj si dikur për Nicolae Ceaușescu e pashembullt kjo që ka ndodhur në stadiumin e vëllezërve Xibraka dhe po shëtit nga stadiumi në stadium si verdikt përfundimtar ndaj Edi Ramës. Në këtë rast çfarë mund të themi? Po udhëheq popullin”, tha ai.
