Kreu i Partisë Demokratike, Sali Berisha, ka dalë kundër nismës së qeverisë për amnistinë fiskale. Ai ka paralajmëruar Qeverinë se amnistia fiskale është një goditje shumë e rëndë për bizneset e ndershme, për reputacionin e vendit, rendin dhe sigurinë në Shqipëri. Ish-kryeministri është i mendimit se qëllimi kryesor është që të legalizohen paratë e krimit, ku për të, asnjë shqiptar me punë të ndershme të sigurojë 2 milionë euro kursime. Sipas tij, kjo ka vetëm një synim, që të legalizojnë paratë e krimit.
“Duke përshëndetur të gjitha reagimet brenda vendit dhe të huaja të bëra kundër këtij akti, paralajmëroj Qeverinë se amnistia e saj fiskale është një goditje shumë e rëndë për bizneset e ndershme, është një goditje shumë e rëndë për reputacionin e vendit, rendin dhe sigurinë në Shqipëri.
Në qoftë se siç ka qëllim kryesor të legalizohen paratë e krimit, pasi ju e keni të qartë se nuk ka shqiptar të ndershëm i cili me punën e ndershme shtesë që mund të bëjë, qoftë edhe i paregjistruar, të mund të siguroje 2 milionë euro kursime. Kjo ka vetëm një synim, që çunat të legalizojnë paratë e krimit dhe ne jemi kategorikisht kundër saj”.
