Luka Jovic ka qenë një ndër emrat më të përmendur në këtë muaj të pezullimit të aktiviteve sportive si pasojë e koronavirusit. Sulmuesi i Real Madrid bëri emër për arsyet më të gabuara, pasi shkoi në Serbi dhe doli pa leje nga karantina për të shkuar në festën e ditëlindjes së të dashurës së tij.
Ky vendim e ktheu atë në një personazh të urryer në Serbi, aq sa edhe drejtuesit e shtetit dolën publikisht kundër tij pasi kishte dhënë shembullin e gabuar, ndërsa u hap edhe një hetim zyrtar për këtë tem. Situate e lojtarit shqetësoi jo pak edhe Real Madrid, ndërsa u vu në dyshim vazhdimësia e tij te klubi spanjoll.
Por burimet brenda klubit kanë konfirmuar për”AS” se kjo situatë nuk ka ndikuar besimin që ka Reali se 22-vjeçari mund të bëhet një emër i rëndësishëm në radhët e tij. “Luka është në moshën perfekte për t’u rritur si futbollist e si person, ka firmosur deri në vitin 2025 dhe besojmë te ai. Nuk ka bërë asgjë pa lejen e klubit dhe policia serbe e dinte që kishte shkuar atje. U ekzagjerua me rastin e tij. Viti i parë nuk ishte i lehtë për përshtatjen me një vend të ri, gjuhën e kulturën, por njohim potencialin e tij dhe këtu askush nuk dyshon te aftësitë që ka”, u shpreh një burim brenda klubit për gazetën spanjolle.
Reali bleu Jovic për 60 milionë euro në verën e kaluar por futbollisti deri tani ka qenë larg pritshmërisë që kishte për të, edhe pse shkoi në Spanjë me bilancin fantasitk të 27 golave të shënuar në 48 ndeshje me Eintracht Frankfurt.
