Ditën e djeshme 16-vjeçari K.J,i denoncoi komshiun e tij 64-vjeç Romeo Oço dhe e akuzoi se e kishte ngacmuar seksualisht. Pas arrestimit të tij, kanë reaguar banorët e lagjes “Donika Kastrioti” dhe qytetarët Beratas.
Banorët kanë treguar jashtë kamerave se e dinin që i moshuari kishte orientim seksual ndryshe, por ata nuk e kishin parë asnjëherë 64-vjeçarin të ngacmonte haptazi fëmijët në lagje dhe se ngjarjen e kanë mësuar nëpërmjet televizioneve.
Shumë qytetarë beratas deklarojnë se, monstra të tillë që guxojnë të ngrenë dorë mbi fëmijët janë shtuar mjaft vitet e fundit dhe se shumë akte të tilla të turpshme seksuale po kryhen nga të moshuar dhe aq më keq familjarë të afërt e komshinj.
Për këtë kategori personash, beratasit kërkojnë që qeveria të rikthejë dënimin me vdekje, pasi vetëm në këtë mënyrë askush sdo të guxojë më ti prekë fëmijët.
64-vjeçari Romeo Oço u arrestua mbrëmjen e djeshme pas denoncimit të bërë nga 16-vjeçari K.J për ngacmim seksual, por në polici Oço ka deklaruar se mes tij dhe 16-vjeçarit kishte një lidhje intime, me pëlqimin e të dyve.
