Drejtuesi politik i PS-së në qarkun Shkodër, Ilir Beqaj akuzoi opozitën si orkestruese të protestës së sotme në qytetin verior, që u mbyll me djegien dhe shkatërrimin e objekteve të selisë së PS.
Beqaj e cilësoi një akt të paprecedent përdorimin e fëmijëve si kamikazë në protestë, duke shtuar se kjo nuk ka ndodhur kurrë më parë.
Ai u shpreh i zemëruar për faktin se pse u zgjodh pikërisht Shkodra për të manifestuar atë që e cilësoi një akt të shëmtuar.
Ilir Beqaj: ”Shkodranët dhe gjithë shqiptarët janë të mençur që vetëm një polic nuk mund të jetë policia e shtetit. Politikisht dhe shtërërisht është reaguar ndaj asaj ngjarje.Polciia është ndaluar, hetimet kanë filluar, Ministri i Brendshëm Lleshaj ka bërë dhe një gjest politik. Për herë të parë ka një përpjekje të shëmtuar për të përdorur fëmijët si kamikazë për qëllime të ulëta politike. Nuk ka ndodhur kurrë më parë. Unë jam i mërzitur se pse u gjet Shkodra për të bërë këtë provokim të ndyrë me shqiptarët. Nuk është kjo Shkodra, Shkodra është edhe e demokratëve dhe socialistëve.”
