Edhe pse kanë kaluar më shumë se 24 orë që prej kohës kur u dha lajmi për akuzën ndaj Thaçit dhe Veselit, pala serbe nuk ka reaguar ende.
Pra nuk dihet ende nëse presidenti Vuçiç do të udhëtojë drejt Uashingtonit, siç ishte planifikuar apo jo.
Megjithatë, drejtuesi i Fondacionit për Shoqëri të Hapur në Serbi, Millan Antonijeviç, thotë se dialogu do të vazhdojë pasi procesi është mbi individët. Sipas tij, tani është momenti i Bashkimit Evropian për të vepruar.
“Ky është një proces që do të shtyjë për një kohë të caktuar bisedimet e mëtejme, por tani i takon Brukselit të tregojë vendosmëri dhe të shohim se si do të sillen ndaj kësaj situate. Këtë përgjigje më të saktë duhet pritur edhe nga vetë Gjykata Speciale që mund ta vërtetojë ose jo vetë aktakuzën”, thotë ai.
Nga ana tjetër, shtypi serb ka shkruar se më fund drejtësia po vihet në vend dhe se vrasësit do të shkojnë në Hagë.
