Deputetja demokrate Albana Vokshi është revoltuar, marrë shkas nga gjuha e përdorur nga kryeministri Rama, i cili foli ashpër ndaj opozitës. Ajo i bëri thirrje kryetares së Kuvendit që herë tjetër të ndalë kryeministrin që të përdorë gjuhën e dhunës. Ndër të tjera paralajmëroi se sa herë që Rama të përdorë atë gjuhë, do të largohet nga Kuvendi, ndërsa u bëri thirrje deputetëve që të bëjnë të njëjtën gjë.
“Si prind jam e zemëruar me atë gjuhë. Edi Rama ia doli të tërheq vëmendjen. Nuk e di sa dëgjuan dhe lexuan rreth buxhetit. Këto të gjithë u morën me Ramën dhe askush nuk u morr me buxhetin.
Qindra mijëra prisnin se cfarë do bëhej me jetën e tyre, shëndetësinë, arsimin, bujqësinë, por shqiptarët dëgjuan gjuhë të dhunshme ndaj kujdo që e kritikoi.
A e keni parë dhunën në Shqipëri? Është e frikshme, por ne kemi kryedhunuesin verbal këtu. Në këtë sallë. Unë distacohem nga ajo gjuhë e dhunshme.
I bëj thirrje kryetares që të ndalë kryeministrin kur e përdor atë gjuhë. Cdo grua që ka fëmijë duhet sot të distancohet. Aleanca e grave deputete duhet të reagojë.
Gjuha e Edi Ramës është gjuhë e rrezikshme. Është e pafalshme toleranca që bëhet. Unë do çohen të iki dhe të gjitha gratë të largohen kur përdor këtë fjalor kryeministri dhe bën si i fortë”, tha Vokshi.
