Belgjika ka shënuar sot një nga shifrat më të larta të viktimave nga koronavirusi, brenda një dite.
Në 24 orët e fundit në Belgjikë janë regjistruar 417 persona, 134 më shumë se ditën e djeshme ku u shënuan 283 të vdekur. Dita më e zezë për vendin ka qenë data 10 prill, ku u shënuan 496 viktima dhe 1,684 persona të infektuar.
Kështu numri total i viktimave nga COVID-19 në këtë vend shkon në 4,857. Ndërkohë janë regjistruar edhe 1,236 raste të reja, duke e çuar në 34,809 numrin total të rasteve të konfirmuara.
Belgjika është një nga 10 vendet më të prekura nga koronavirusi në botë. Ajo renditet e gjashta në Evropë për numrin më të madh të rasteve, pas Italisë, Spanjës, Francës, Gjermanisë dhe Mbretërisë së Bashkuar.
Ndërsa renditet e shtata në raport global për numrin më të madh të viktimave të shënuara nga COVID-19.
Më shumë se 2,1 milionë njerëz nga e gjithë bota janë prekur nga koronavirusi, ndërsa rreth 142 mijë persona kanë humbur jetën.
