Behgjet Pacollit i është ndaluar ulja me avionin e tij privat në Aeroportin “Adem Jashari” në Prishtinë.
“Anulimi i lejes së uljes në aeroportin e Prishtinës për aeroplanin tim është privim i drejtpërdrejtë i së drejtës sime për të lëvizur”, shkruan Pacolli.
Ai shprehet ndër të tjera se qeveria e Kurtit në mënyrë diktatoriale po e ndalon të kthehet në Kosovë dhe të ushtrojë veprimtarinë e tij prej politikani.
“Kjo qeveri sot në mënyrë primitive, diktatoriale, më privon të kthehem në vendin tim! Më pengon të zhvilloj veprimtarinë time parlamentare në shërbim të Atdheut tim! Akti ndaj meje, në kundërshtim me gjithë ligjet ndërkombëtare, madje dhe me vendimin e fundit të Gjykatës kushtetuese, nuk është akt force, por akt dobësie”, vijon Pacolli.
