Hygerta Sako, e ftuar në emisionin “Late Night Show” të Kastro Zizo, ka deklaruar se e sheh si shqetësim faktin që edhe pas 24 vitesh i ka mbetur ende nofka “Miss”.
Ajo shprehet se do dëshironte që të përcaktohej si gazetare, moderatore a vajzë e zgjuar, kjo pasi kur njerëzit e cilësojnë akoma si ‘Miss’ i fyejnë inteligjencën.
“Është e çuditshme, si s’po shpëtoj. Po shkoj 24 vjet dhe s’po shpëtoj nga kjo. Miss s’mund të quhem më, por gjithsesi ka mbetur akoma në mendjen e njerëzve. S’kam ç’bëj, më bezdis pak sepse do të doja të më thonin diçka tjetër. Gazetare, moderatore, vajzë e zgjuar psh, se kur thonë ‘Miss’, sikur më shajnë, më fyejnë inteligjencën.
Është kjo ideja që gocat e bukura duhet të jenë patjetër budallaqe. Mund të them që s’ka lidhje zgjuarsia me bukurinë. Unë them që ka shumë vajza të bukura dhe shumë vajza të zgjuara, që i kanë të gjitha cilësitë.”, tha ajo.
