Delegacioni i BE-së në Shqipëri, ka reaguar për shembjen e Teatrit Kombëtar. Në vazhdën e reagimeve, në të thuhet se prishja e Teatrit Kombëtar ka ardhur në një kohë kur ishte kërkuar dialog midis autoriteteve dhe shoqërisë civile, para se të merrej një vendim i pakthyeshëm. Delegacioni i BE-së kërkon nga palët, që të shmangin përshkallëzimin e situatës.
“Prishja e Teatrit Kombëtar erdhi në një kohë kur ne kërkuam dialog midis autoriteteve dhe shoqërisë civile, para se të merrej një vendim i pakthyeshëm. Na vjen keq që kjo thirrje nuk u ndoq nga institucionet përkatëse kombëtare dhe vendore. Që në orët e para të këtij mëngjesi, ne kemi ndjekur me shqetësim të thellë zhvillimet në terren. Ne i bëjmë thirrje palëve të tregojnë kufizim dhe të shmangin përshkallëzimin e situatës”.
