Ambasadorja amerikane në Maqedoninë e Veriut, Kate Byrnes u shpreh se Shtetet e Bashkuara të Amerikës, janë të zhgënjyer me vendimin e Bashkimit Europian, për mos hapjen e negociatave.
Përmes një postimi në rrjetet sociale, Byrnes tha se Maqedonia e Veriut ka kryer punën e nevojshme për të nisur bisedimet për anëtarësim. Sipas saj, hapja e negociatave do ta rriste stabilitetin rajonal dhe do të avanconte lidhjet politike dhe ekonomike me Evropën.
“Nuk ka dyshim se Maqedonia e Veriut ka kryer punën e nevojshme për të nisur bisedimet për anëtarësim – hap që do të rriste stabilitetin rajonal dhe do të avanconte lidhjet politike dhe ekonomike me Evropën, ashtu sikurse do ta zgjeronte partneritetin transatlanik”, shkruan Byrnes në një postim në Twitter.
Në takimin e fundit të Këshillit për Çështje të Përgjithshme të BE-së në Luksemburg, presidenca portugeze ka konstatuar se nuk ekziston konsensus i nevojshëm për të miratuar kornizat negociuese për këto Shqipërinë dhe Maqedoninë e Veriut, si kusht për të hapur negociatat.
We remain disappointed EU member states were unable to include approval of North Macedonia’s negotiating framework on the agenda during yesterday’s General Affairs Council meeting.
— Ambassador Kate Byrnes (@USAmbNMacedonia) June 23, 2021
