Bashkimi Evropian nuk do ta pranojë shantazhin e presidentit të Turqisë, Recep Tayyip Erdogan, i cili kërcënon se do të lejojë 3,6 milionë refugjatë sirianë të hyjnë në Europë, nëse nuk financohet plani i tij për të krijuar “zona të sigurta” kufitare për refugjatë sirianë.
Kryeministri italian, Giuseppe Conte deklaroi se: “BE nuk mund të pranojë këtë shantazh nga Turqia. Do ta them këtë me zë të lartë dhe të qartë në këshillin e ardhshëm të BE-së”.
Mes të tjerash, Conte theksoi se pranimi i refugjatëve sirianë nga Turqia ishte financuar nga Europa.
“Nisma ushtarake duhet të ndalojë menjëherë dhe BE si dhe gjithë komuniteti ndërkombëtar, duhet të flasin njëzëri”, tha kryeministri italian.
