Bashkimi Evropian i ka dhënë 15 milionë euro grante Shqipërisë dhe vendeve të tjera të Ballkanit Perëndimor.
Përmes një postimi në rrjetet sociale, delegacioni i BE-së thekson se kjo shumë do të shkojë për bizneset e goditura nga pandemia.
Postimi i plotë:
Më shumë lajme të mira për ndërmarrjet e vogla dhe të mesme në Shqipëri dhe vendet e tjera të Ballkanit Perëndimor!
15 milion Euro grante nga ?? #BE për bizneset e goditura në vështirësi për të mbijetuar, ? forcimin e qëndrueshmërisë – dhe krijimin e kushteve për një rikuperim të qëndrueshëm.
“Kriza e COVID-19 është shumë larg përfundimit. Në botë dhe në Ballkanin Perëndimor. Komisioni Evropian ?? dhuron një shtesë prej 15 milion € për rajonin. Bizneset e vogla dhe të mesme në Shqipëri ?? së shpejti do të përfitojnë nga këto grante të Bashkimit Evropian ??, përveç 230 milion € tashmë të alokuara për Shqipërinë dhe që po investohen aktualisht”, shprehet ambasadori i Bashkimit Evropian Luigi Soreca.
