Bashkimi Evropian dhe Kina kanë rënë dakord në parim për një marrëveshje investimi biznesi pas shtatë vjetësh negociatash.
Lajmi është konfirmuar nga presidentja e Komisionit Evropian Ursula Von Der Leyen përmes një postimi në rrjetin social, Twitter.
“Sot, BE dhe Kina përfunduan në parim negociatat për një marrëveshje investimi,” shkruan Von der Leyen.
The EU has the largest single market in the world. We are open for business but we are attached to reciprocity, level playing field & values.
Today, the EU & China concluded in principle negotiations on an investment agreement.
For more balanced trade & business opportunities. pic.twitter.com/zURkyE2yX4
— Ursula von der Leyen (@vonderleyen) December 30, 2020
Ndërkohë, nënkryetari i Komisionit të BE-së përgjegjës për tregtinë, Valdis Dombrovskis e ka cilësuar moment historik për ekonominë një marrëveshje të tillë.
“Marrëveshja nuk do të zgjidhë të gjitha sfidat tona me Kinën, të cilat mbeten të shumta, por ajo i lidh ato në mënyrë të konsiderueshme në drejtimin e duhur”, shtoi ai.
Bisedimet për marrëveshjen nisën në 2014 por ngecën në vend për vite pas një numër përplasjesh. Kjo marrëveshje vjen menjëherë pas asaj të pas Brexit-it me Britaninë e Madhe.
