Gjatë fjalimit në 30-vjetorin e FRESSH, Rama ka bërë batutat e radhës. Teksa ka mbajtur një leksion për t’u angazhuar me politikën, Rama tha se politika shërben edhe për t’u bërë çift. Ai shkaktoi të qeshura tek të pranishmit ku tha se në chat është alamet pjeshke, por në të vërtetë të del kungull.
“Duke uruar që nëse disa kanë ardhur vetëm nga kjo ditë, uroj të jenë çift. Dua pse jo, edhe këtë e bën politika, se nuk je në shtëpi duke bërë chat me një profil fallco që është aty si alamet pjeshke e pastaj të del kungull.
Por je ballë përballë e shikon në sy edhe pjeshkën edhe kungullin. Besojeni këtë që ju them. Politika është shumë e bukur për ta kaluar jetën pa u prezantuar me të”, tha kryeministri Rama.
