Në selinë e Partisë Demokratike, Sali Berisha ka mbledhur sot të deleguarit në qarqe për të diskutuar për zgjedhjet vendore.
Jozefina Topalli është pyetur në lidhje me negociatat mes Bardhit dhe Palokës për bashkimin e PD-së.
Teksa ishte duke u futur në ambientet e brendshme të PD-së, aty ku Berisha ka thirrur të deleguarit në qarqe për zgjedhjet vendore, Topalli u shpreh se duhet bërë bashkimi për të ecur përpara.
“Është një fazë e mirë me të cilën mund të punohet. Politika është e komplikuar, është me fat kur koherenca dhe bashkimi ecën bashkë.
Duhet gjetur forca dhe mënyra për të ecur bashkë, që të ndryshojmë situatën në Shqipëri. Kështu nuk ecet më!”, u shpreh Topalli.
