Edhe pse ende nuk është bërë i ditur një vendim pritet që Britania të largohet nga BE-ja me 12 prill.
Pasaportat e reja britanike tani po lëshohen pa “Bashkimin Evropian” në kopertinë, pavarësisht vonesës për marrëveshjen e daljes nga BE-ja.
Britania njoftoi largimin e saj nga BE-ja dhe vetëm një ditë më pas, në 30 mars u shfaqën pasaportat e reja. Situatë e cila krijoi tension dhe diskutime mes palëve, ndërkohë shtetasit britanikë ende janë me pasaportat e vjetra deri në një vendim sa më të qartë.
Mësohet se pasaportat ngjyrë blu të errët pritet të lëshohen nga fundi i vitit.
Sussan Hinde Barone e cila mori pasaportën e re të premten i tha Associated Press se dizajni i pasaportës nuk duhet të ndryshojë për aq kohë sa Britania është ende pjesë e BE-së.
Në një deklaratë zyrtare Ministria e Brendshme, theksoi se pasaportat me mbishkrimin “Bashkimi Evropian” do të vazhdojnë të lëshohen edhe për një periudhe të shkurtër.
Ndërkohë nga Kryeministrja britanike, Theresa May ka ardhur një tjetër kërkesë për Bashkimin Evropian, duke si thënë kësaj të fundit që shtyrja e datës për Brexit të jetë deri më 30 qershor.
