Partia Demokratike është gjobitur për herë të pestë për vandalizim të qytetit gjatë protestave të saj. Është kryetari i Bashkisë së Tiranës Erion Veliaj, i cili njofton përmes Facebook-ut gjobën në vlerën 20 mijë lekë të vendosur nga Policia Bashkiake për PD-në, pasi protestuesit e saj kanë kryer gjeste të pahijshme.
“PD gjobitet për të 5-ën herë për organizime të urinimit publik! Si dhe më parë, paratë do t’i merren direkt nga llogaria!
Imagjino ç’alternativë qeverisëse është një parti që i shpëton në brekë! Hipokrizia e “Mbro Teatrin” duket qartë tek ndërtesa e Gherardo Bosios”, njofton Veliaj.
