Kandidati fitues për deputet në Lezhë, Agron Gjekmarkaj ka hedhur poshtë mundësinë e një bashkëpunimi midis Partisë Demokratike dhe asaj Socialiste.
I ftuar në emisionin ”Frontline”, Gjekmarkaj u shpreh se e vetmja gjë që mund të rinegociohet me mazhorancën, është përsëritja e zgjedhjeve të 25 prillit.
Sipas tij, zgjedhjet duhen përsëritur, sepse u trukuan nga kryeministri Edi Rama duhet ndryshuar verdiktin e popullit.
Ndër të tjera, Gjekmarkaj tha se opozita po përgatit dosjen e vjedhjes së votave dhe nëse mazhoranca nuk reflekton, do ketë protesta masive në vend.
Agron Gjekmarkaj: ”Nuk ka asnjë shans që atë që i ka vjedhur Partisë Demorkatike ta japë në pozitia vasiliteti. E vetmja gjë që mund të negociohet, meqë na ka ofruar një letër të bardhë, është që të negociohej përsëritja e zgjedhjeve në një qeveri teknike për të kthyer legjimitetin institucioneve në Shqipëri. Vetëm kjo mund të negociohet për të kthyer dinjitetin bazik në Shqipëri. Ndryshe kulari do të jetë shumë i rëndë.
U trukuan numrat e zgjedhjeve. Zgjedhjet janë trukuar dhe te trukimi ka edhe vjedhje e çdo gjë tjetër. Zgjedhjet shënuan regres historik të kombit shqiptar. Shumë i kanë kërkiuar opozitës që të sillej si maxhoranca, por nuk do kishte asnjë moral, sepse do kishim dy anë të kriminalizuara të jetës shqiptare. Ka ende shpresë. Opozita është institucion moral, sepse është jashtë botës së krimit. Zgjedhjet në Shqipëri kanë rënë. Opozita do përgatisë dosje të vjedhjes së votave dhe nëse maxhoranca nuk reflekton, do ketë protesta masive në vend.”
