Tërmeti i javës së kaluar përveç dëmeve në njerëz e ndërtesa ka lënë dhe shumë tronditje pas. Një javë më pas ende ka momente paniku në popullatën e gjerë. Gjeologu Ylber Muceku ka komentuar gjendjen aktuale duke e lidhur dhe me shpjegime shkencore. Sipas tij, Shqipëria duhet të mësojë të bashkëjetojë me tërmetet, duke qenë se jemi zonë sizmike aktive.
Ai ka rrëfyer dhe historikun e tërmeteve më të fuqishme në vendin tonë përgjatë shekullit të kaluar.
“Historikisht në Shqipëri ka pasur tërmete. Në Durrës që në vitin 58 pas Krishtit ne njohim tërmete të tilla, por përveçse kësaj në vitin 1905 kemi një tërmet në Shkodër, që është 6.5magintud i shkallës rihter. Po ashtu sërish të Shkodër në vitin 1930 një tërmet të tillë afërsisht, edhe në vitin 1979, Shkodra edhe gjithë Shqipëria ka përjetuar goditjen më të madhe në lidhje me tërmetet me magnitud 6.9, por ka edhe shkencëtarë që thonë 7.2”, u shpreh gjeologu Ylber Muceku për Report tv.
Dëmet nga tërmeti në Durrës, edhe shkolla 9-vjeçare do të shembet
Gjithashtu, gjeologu ka shpjeguar arsyet se përse Shqipëria përjeton tërmete të kësaj natyre.
“Është ultësia pranë Adriatikut, që nga derdhja e Bunës deri në Vlorë. Është një brez tjetër që është shtrirjen Veri, Perëndim-Juglindje. Është një brez tjetër që është në shtrirjen Veri-Jug, Peshkopi-Ohër Korçë. Kemi edhe dy breza të tjerë që janë tërthorë, Shkodër-Ulqin-Shkodër deri në Pejë. Tjetra është nga Vlora, në drejtim të Tepelenës”.
Në tagrin e ekspertit në fushën e gjeologjisë-inxhinierike Muceku ka bërë thirrje, që të gjitha ndërtimet që bëhen, të shoqërohen me studime gjeologjike edhe sizmiologjike, që të shmangen fatkeqësi të tjera.
