Kryetari i Partisë Demokratike, Lulzim Basha zhvilloi një takim elektoral në qytetin bregdetar të Vlorës, e cila njihet si bastion i majtë.
Teksa ecte në rrugët e qytetit, Basha është përballur me indinjatën e një qytetari, i cili tha se ishte kushëri me kryeministrin Edi Rama.
Ai i bëri të ditur Bashës, se pavarësisht se është kushëri me Ramën, ishte i pari që iu prish banesa në Palasë.
Ndër të tjera, ai shtoi se e kanë hequr dhe nga puna, madje dhe e kanë vjedhur.
“O vlla të uroj shëndet, ne do fitojmë. Unë jam kushëriri i Edi Ramës, më maskarai që ka Shqipëria. Na mori pronat, më hoqi nga puna mua, familjen time, ia dha oligarkëve të tij. O Lulzim nuk të gënjen vllai. Më pruri forcat sikur isha më krimineli i Shqipërisë.
Asnjë nga fisi nuk e voton më Edi Ramën. Nga të gjithë fisi i mamasë sime, asnjëri. Nëna ime dhe nëna e tij kushërira, mua të parin ma prishi. As nuk kam vjedhur, as jam marrë me dorë, as nuk jam marrë me asgjë”, tha qytetari.
Këtë pjesë të bisedës mund ta gjeni në min 22:00.
