Ministrja e Shëndetësisë Ogerta Manastirliu i është kundërpërgjigjur së fundmi akuzave të Kryetarit të PD-së Lulzim Basha.
Në një bashkëbisedim me gazetarët pak më herët, Basha theksoi se në zyrën e prokurorimeve në katin e katërt të Ministrisë së Shëndetësisë ka rënë zjarr.
Nga ana tjetër, Manastirliu përmes një reagimi në Facebook, e ka hedhur poshtë deklaratën e kreut të opozitës.
Sipas saj nuk ka asnjë zjarr në Ministrinë e Shëndetësisë.
“Nuk ka asnjë zjarr në Ministrinë e Shëndetësisë! Tymi i zjarrit imagjinar që po shihni dhe dëgjoni, del vetëm nga koka e kryetarit të PD.
Dikush duhet t’i hedhë ujë në sy që ta zgjojë nga gjumi”, shprehet ministrja.
