Kryetari i Partisë Demokratike, Lulzim Basha vijon me akuzat ndaj kryeministrit, Edi Rama në lidhje me menaxhimin e pandemisë Covid-19.
Basha u kërkoi njerëzve që të imagjinonin një qeveri që punon për të dhe që jep ndihmë financiare për çdo do familje.
Sipas Bashës, pas 7 vitesh dështime ku shkatërroi ekonominë dhe shëndetësinë, askush nuk e beson se Rama mund të japë ndihmë financiare për çdo familje.
Basha premton se me PD-në në pushtet, ndihma ndaj njerëzve do jetë realitet.
”Përfytyroni një qeveri që punon për njerëzit, që jep ndihmë financiare për çdo familje. Një qeveri që ka një plan kundër pandemisë, që investon tek shëndetësia.
Pas 7 vitesh plot dështime, ku Rama vetëm e shkatërroi ekonominë dhe shëndetësinë, shumëkush priret të mendojë se nuk mund të jetë ndryshe. Por e vërteta është se mund dhe do të jetë ndryshe – bashkë ne do ta bëjmë realitet!’’, shkruan Basha në rrjetin social, Twitter.
Përfytyroni një qeveri që punon për njerëzit, që jep ndihmë financiare për çdo familje. Një qeveri që ka një plan kundër pandemisë, që investon tek shëndetësia.
— Lulzim Basha (@lulzimbasha_al) November 16, 2020
