Kreu i Partisë Demokratike, Lulzim Basha ka akuzuar kryeministrin Rama se po shkel Kushtetutën për të mbrojtur Tahirin, ndërsa tha se parlamenti nuk ka të drejtë të kthehet në gjykatë.
Në një prononcim për mediet, deputeti demokrat tha se vendi është në një krizë totale kushtetuese, politike dhe morale duke siguruar se opozita po në konsultim me qytetarët dhe me ndërkombëtarët lidhur me krizën që po kalon vendi.
FJALA E BASHËS:
Edi Rama e rrëzoi këtë kërkesë të Prokurorisë së Krimeve të Rënda, gjithçka tjetër është propagandë. Edi Rama ka shkelur kushtetutën për të mbrojtur Tahirin, parlamenti nuk ka të drejtë të kthehet në gjykatë. Rama po mbron Tahirin sepse është peng nga drejtimi i pavarur i drejtësisë ndaj po bën gjithçka për ta penguar këtë vetting.
Vendi është në një krizë totale kushtetuese, politike dhe morale. Edi Rama de fakto ka marrë fund si kryeministër. Ne jemi në konsultim me qytetarët dhe ndërkombëtarët për t’iu përgjigjur kësaj krize të thellë.
Beteja është kundër kancerit më të madh që është krimi i organizuar.
