Kryetari i opozitës ka uruar të gjithë fëmijët në kuadër të festës së 1 Qershorit.
Nëpërmjet një postimi në Facebook, ai shprehet se buzëqeshja në fytyrat e fëmijëve është ajo çka sipas tij, motivon partinë demokratike ‘për të bërë gjithçka që ata të kenë një jetë sa më të shëndetshme’.
“Sot jam shpresëplotë se e ardhmja e tyre në Shqipëri do jetë më e mirë, më e sigurt dhe se ata do të rriten me mundësi si gjithë fëmijët e tjerë europianë!” – vijon Basha.
Postimi i plotë:
“Sot i uroj nga zemra çdo fëmije në Shqipëri: Gëzuar festën e 1 Qershorit!
Buzëqeshja në fytyrat e fëmijëve tanë është gëzimi dhe motivimi ynë për të bërë gjithçka që ata të kenë një jetë sa më të shëndetshme, të kenë më shumë hapësira argëtimi, që të shkojnë në çerdhe, kopshte dhe shkolla me standarde cilësore.
Sot jam shpresëplotë se e ardhmja e tyre në Shqipëri do jetë më e mirë, më e sigurt dhe se ata do të rriten me mundësi si gjithë fëmijët e tjerë europianë!”
