Kryedemokrati Basha, ka reaguar për arrestimin e kryebashkiakut të Lushnjes. Ai e konsideron si një fillim të mbarë arrestimin e Tushes, sikundër thotë Basha, pas denoncimeve shumëvjeçare nga PD të bashkëpunimit të tij korruptiv me krimin e organizuar. Sakaq, kreu i PD-së është skeptik për pavarësinë e drejtësisë, teksa shprehet se kjo varet nga kurajo për të goditur lidhjet e pushtetit me krimin.
Statusi
2/2…lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi.
1/2 Arrestimi i Fatos Tushës pas denoncimeve shumëvjeçare nga PD të bashkëpunimit të tij korruptiv me krimin e organizuar, mund të jetë një fillim i mbarë. Por kjo do të varet nga aftësia, kurajo dhe pavarësia e drejtësisë për të goditur lidhjet e pushtetit me krimin.
2/2…lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi.
— Lulzim Basha (@lulzimbasha_al) July 6, 2021
Kryetari i Bashkisë, Fatos Tushe, akuzohet për veprën penale të “shpërdorimit të detyrës” e kryer në bashkëpunim, ndërkohë që akuzat për të arrestuarit e tjerë lidhen me abuzimin me tenderat publikë.
Me kërkesë të prokurorisë, gjykata ka vendosur “arrest me burg” për kryetarin e Bashkisë së Lushnjes, Fatos Tushe, katër vartës të tij zyrtarë publikë dhe dy biznesmenët ndërkohë që për për katër zyrtarë të tjerë është vendosur masa “arrest shtëpie”.
