Kryetari i Partisë Demokratike, Lulzim Basha ka zhvilluar ditën e sotme një takim jozyrtar me strukturat e partisë në Mallakastër, ku kanë diskutuar mbi zhvillimet e pritshme politike.
Basha ishte i shoqëruar nga Sekretari i Përgjithshëm i PD, Gazment Bardhi, dhe kryebashkiaku Agron Kapllanaj. Kreu demokratik theksoi se 30 qershori ishte pikë kthese absolute për zhvillimet politike, pasi vulosën fatin e kësaj qeverie.
“30 Qershori është një masakër elektorale e provuar në sytë e secilit. Përgjegjës kryesor për këtë krim është Edi Rama. Bashkia Mallakaster ka një kryetar legjitim. Ai është Agron Kapllanaj, derisa të ketë një proces të rregullt zgjedhor, ku përsëri do të konfirmohet si Kryetar Agron Kapllanaj”, tha Basha.
