Ditën e nesërme kreu i Partisë Demokratike Lulzim Basha pritet të realizojë një takim me ekspertë të emergjencave civile; me inxhinierë, arkitektë dhe ekspertë të fushës së ndërtimit; ish-drejtues në nivel qendror dhe lokal të emergjencave civile dhe institutit të ndërtimit; ish – kryetar bashkie, ish-prefektë, etj.
Raportohet se takimi do të zhvillohet rreth orës 18:00 dhe do të ketë si tematikë marrjen e ekspertizës nga ekspertët, me qëllim që t’u vihet në ndihmë qytetarëve të prekur nga tërmeti.
Disa nga pyetjet që do të shtrohen në këtë takim do të jenë: “Si është menaxhuar situata nga autoritetet, çfarë mungon dhe duhet të bëhet urgjent, si dhe vlerësimi i mënyrave më të mira për të kapërcyer situatën dhe për të ndihmuar normalizimin e gjendjes etj”.
