Kreu i PD-së Lulzim Basha ka zhvilluar një takim me ambasadorin italian Fabrizio Bucci.
Ambasada Italiane ka zbardhur takimin në fjalë duke thënë se Italia mbështet rikthimin e dialogut politik.
Reagimi i Ambasadës Italiane: “Takimi i parë i Ambasadorit Fabrizio Bucci me Kryetarin e Partisë Demokratike, Lulzim Basha.
Një mundësi e rëndësishme për të theksuar mbështetjen e Italisë në rikthimin e dialogut politik, me urimin për arritjen e një marrëveshjeje për reformën zgjedhore.
Javët e ardhshme do të jenë të një rëndësie të veçantë për të ardhmen e Shqipërisë, kur do të vendoset për çeljen e negociatave të anëtarësimit në BE.
Një bashkëpunim më i madh në vend dhe një dialog konstruktiv mes të gjitha palëve politike do të bëjnë më të zhdërvjellët rrugëtimin e përafrimit në Bruksel”.
