Kreu i Partisë Demokratike, Lulzim Basha ka zhvilluar një takim me qytetarë të Vaut të Dejës.
Gjatë fjalimit të tij, Basha tha se Rama i ka braktisur të gjithë qytetarët për interesat e tij.
Gjithashtu, kreu i PD-së komentoi edhe koalicionin PS-LSI, sipas të cilit nuk ekziston për shkak të pazareve:
“Koalicioni i ngjalave dhe i peshkut nuk është më koalicion, pasi janë ndarë dhe janë bërë copë-copë për shkak të pazareve. Po zihet me LSI për “tepsi”, nuk i kanë mendjen te ju, por vetëm për tepsinë”.
Gjithashtu, Basha tha se me ardhjen e PD-së në pushtet, Kushtetuta do të ndryshojë dhe populli do të mundë të shkarkojë deputetët.
“Kushtetuta do ndryshojë, deputetët do zgjidhen direkt nga populli. Nëse deputeti nuk mban fjalën, pa i mbaruar mandati, mund të shkarkohet. Nuk e kam shpikur unë, ky është një sistem amerikan. Kjo është garancia e Republikës së Re. Ora po vjen, ta thajmë moçalin e Republikës së Vjetër. Ejani të djathtë e të majtë, më 25 qershor merrni fatin tuaj në dorë, bëjeni natën ditë.”
Pse rrogat rriten në letra, por varfëria rritet në realitet?
