Kreu i Partisë Demokratike, Lulzim Basha, në fjalën e mbajtur para protestuesve, ka akuzuar kandidatët për deputetë që pranuan të merrnin mandatin, duke i cilësuar si të mjerë që shesin shpirtin e tyre.
Gjithashtu nuk munguan as falenderimet drejtuar kandidatëve që refuzuan marrjen e mandatit.
“Ata të mjerë, ata pak të mjerë që futen në atë godinë, shesin shpirtin, ata janë turpi i familjeve të tyre. Ata do ti gjykojë historia, Zoti pastë mëshirë për shpirtin e tyre, sepse fytyrë ata nuk kanë më.
Për muaj e vite zëri juaj ka kërkuar herë me ndrojtje e herë me mllef, kur do ti digjni mandatet.
Zëri juaj tashmë është dëgjuar. Opozita i është bindur sovranit. Unë kam sot nderin dhe privilegjin që në emrin e popullit të shpreh mirënjohjen dhe të falënderoj nga zemra ata zonja, zotërinj e zonjusha, ata qindra kandidatë që djegin sot mandatet e tyre”, tha Basha.
