“Pa zgjedhje të lira, nuk hapen dyert e BE-së”. Ishte ky apeli i hapur, ardhur nga kreu i PD-së, Lulzim Basha, ndërsa ndodhet i rrethuar nga protestuesit në Milot. Me tone të larta, ai tha se qytetarët nuk do të ndalen në misionin e tyre, për të shporrur sa më parë Ramën. Po kështu, ai konfirmoi se në 30 qershor nuk do të ketë zgjedhje pa opozitën.
“Por ne jemi të vendosur se kështu nuk do të vazhdohet më. Unë kam nderin dhe privilegjin me mesazhin se PD dhe opozita e bashkuar është sot koalicioni më i madh politik, është mazhoranca e re shqiptare, për të çliruar nga krimi dhe korrupsioni. Zgjedhjet e diktuara nga krimi, na kanë sjellë deri këtu”.
