Basha mbetet i vendosur në qëndrimin e tij, për të luftuar bandat që janë të lidhur me qeverinë.
Atë çfarë ka trumbetuar gjatë orëve të fundit, ai e risjell edhe një herë si shenjë këmbane alarmi, për tu larguar një herë e mirë nga bandat të cilat po qeverisin vendin.
Me anë të një statusi në Facebook, kreu demokrat i mëshon fort faktit se PD dhe opozita do vazhdojnë të jenë në krah të qytetarëve, në përballje me bandat në Shkodër, Elbasan, Durrës, Vlorë, apo kudo ato qofshin.
Pasditen e së hënës, opozita e bashkuar e “zhvendosi” parlamentin në Shkodër, nga ku Basha deklaroi se krimi sundon jo vetëm në këtë qytet, por edhe në qytete të tjera të vendit.
Basha tha se krimi ka kapur edhe Ministrin e Brendshëm, Fatmir Xhafaj, dhe eksponentë të tjerë të Rilindjes, siç e cilësoi ai.
Kreu demokrat tha gjithashtu se prej 6 muajsh, bandat terrorizojnë qytetin e Shkodrës, duke shtuar se atje duhet të ishte sot Edi Rama për të lajmëruar arrestimin e tyre.
