Pas një kohe deri diku të gjatë me shkëputje nga jeta politike, sot është rishfaqur në Kuvend ish-kryetari i PD-së, Lulzim Basha. Ai ka hyrë në sallën e Parlamentit, ndërkohë që ishte duke folur Sali Berisha.
Ish-kryetarit të Partisë Demokratike, Lulzim Bashës, duket se i kanë munguar shumë kolegët e tij deputetë. Pasi kishte munguar në disa seanca, Basha është parë në ambientet e Kuvendit duke takuar dhe dhënë dorën kolegëve të tij.
Basha është ulur në krah të Gazment Bardhit dhe Jorida Tabakut, ndërsa pak më tutje, indiferente qëndron deputetja tjetër e PD-së, Grida Duma.
