Në komunikimin online me gazetarët, kreu i PD-së deklaroi se ky është momenti që të gjithë forcat të përqendrohen në kapërcimin me sukses ndaj koronavirusit.
Duke shmangur debatet politike dhe faturimin e përgjegjësisë palës kundërshtare, Basha tha se është koha për të përqëndruar energjitë në kalimin me sukses të kësaj pandemie.
“Nuk është koha për një debat politik, për të treguar përgjegjësitë se çfarë nuk janë bërë apo janë bërë me vonesë.
Ne duhet të kemi fokus qytetarët, do ketë një kohë kur do të ketë llogari për hapat e hedhura me vonesë. Koha për të përqendruar energjitë tona te kalimi me sukses me sa më pak dhimbje dhe sa më pak viktima. Kjo s’do të thotë që nuk do të themi dhe kërkojmë ato që duhen bërë. Nuk e dimë sa materiale ka testuar vendi ynë, çfarë po bëhet me testimin e mjekëve, policëve”, tha Basha.
